O concello do Valadouro atópase situado no norte da provincia de Lugo e no corazón interior da Mariña Lucense. Ten unha superficie de 110km2 e está dividido en 10 parroquias: O Cadramón, Frexulfe, Santo Tomé, Recaré, Santa Cruz, Ferreira, Alaxe, Vilacampa, Budián e Moucide.

A nomenclatura do concello débese á chegada dos romanos ao val, quenes o denominaron Valle Auris, atraídos polo ouro e os metais preciosos. Actualmente, O Valadouro conta cun importante patrimonio cultural e artístico, con recursos singulares como o Dolmen de Santo Tomé, o Prado das Chantas ou a Capela de Santa Filomena.

En plena Reserva da Biosfera, destaca a presenza de manadas de cabalos salvaxes, protagonistas cada ano na celebración da ancestral Rapa das Bestas. Son moitos os paraxes naturais que o visitante pode descubrir neste territorio, como a Fervenza da Torez, a Fervenza do Escouridal, no corazón da Serra do Xistal, ou a ruta dos Pozos que nos levará a coñecer o Pozo da Onza.

A súa ubicación privilexiada e unha escasa contaminación da lugar a productos autóctonos de gran calidade como o mel, a castaña, a troita… que serán exaltados en citas gastronómicas tan populares como a Feira do Mel.